Omubbi abadde akulembeddemu okutigomya abatuuze Lugazi akaabidde ku Poliisi nga bw’asaba okusonyiyibwa.
Kyaliza junior abadde amanyikiddwa nga Digadiga nga mutuuze ku kyalo Kakubansiri mu Monicipaali y’e Kitega-Lugazi abadde akulembeddemu akabinja k’ababbi, abaludde nga batigomya abatuuze Nakazadde, Kitega, Geregere n’ebitundu ebirala.
Omubbi Digadiga abadde yeegumbulidde okubba n’okutta abatuuze, era bangi ku batuuze bali malwaliro nga banyiga biwundu omuli n’abo, abaasimatuka okuttibwa nga basaliddwa ejjambiya mu bulago.
Abadde yeegumbulidde okusuula emisanvu mu kkubo n’okumenya amayumba nga singa omuntu yenna agezaako okubalemesa, balina okumutta.
Wabula Poliisi e Lugazi, Digadiga asabye okusonyiyibwa ng’abadde anoonya ssente, okwabya olumbe lwa kitaawe.
SP Butoto Hellen, omwogezi wa Poliisi mu bitundu bye Ssezibwa, agamba nti Digadiga aguddwako emisango gy’obutemu, okugezaako okutta abantu, obubbi, okumenya amayumba n’emisango emirala.
Butoto agamba nti Poliisi etandiise okunoonya banne abaludde nga batigomya abatuuze, nabo bakwatibwe.
Mungeri y’emu Butoto awanjagidde abatuuze abalina amawulire ku babbi abanoonyezebwa okuyamba ku Poliisi, bonna okukwatibwa.
Ebirala ebifa mu ggwanga – https://www.youtube.com/watch?v=bgQ4pynVBQQ
