Dr. Jose Chameleone ayingidde mu nsonga za mutoowe Weasel Manizo.
Ku lunnaku Olwokubiri, Weasel yakuba Norbert Twizire amanyikiddwa nga Nobat Events ekikonde ku mutwe olw’okubanja ssente ze.
Nga 9, August, 2024, Weasel yabadde ne Konsati ku Hotel African, Kampala era yafunye abadigize bangi wabula agamba nti tannafuna wadde 100 okuva eri Nobat nga y’emu ku nsonga lwaki yavudde mu mbeera.
Weasel agamba nti ng’omuntu yenna alina obuvunaanyizibwa, yetaaga ssente omuli School Fees okutambuza obulamu nga talina buzibu bwonna ne Nobat, ayagala kimu ssente.
Wabula ne Dr. Chameleone naye avuddeyo, agamba nti Weasel alina okufuna ssente ze.
Agamba nti Weasel okuteeka omukono ku ndagaano ne Nobat, yali mu ggwanga lya America naye yasobola okulabula mutoowe Weasel nti Nobat mubbi.
Dr. Chameleone era agamba nti Nobat yaleeta mulimu era Weasel yakola omulimu gwe, ng’alina okusasulwa kuba Nobat talina kulowooza nti Weasel yayimbira bwereere.
Bino okubyogera, abadde wali ku Comedy Store era Weasel y’omu ku bayimbi abakubye abadigize omuziki.

Twagala ssente – https://www.youtube.com/watch?v=M9_DmLcp2ig